Қарақалпақстан Республикасы Министрлер Кеңесиниң Баслығы Қ.Сариев Нөкис қаласы «Сәрбиназ» мәкан пуқаралар жыйыны аймағындағы 20-санлы сайлаў участкасында өзи таңлаған талабанға даўыс берди.
Бул сайлаў участкасында 2 мың 219 сайлаўшы дизимге алынған. Соннан 21 сайлаўшы биринши мәрте даўыс береди. Аймақтан 26 сайлаўшы мүддетинен алдын даўыс берген.
Қарақалпақстан Республикасында 656 сайлаў участкасы дүзилген болып, улыўма 1 миллион 45 мыңнан аслам сайлаўшы дизимге алынған.
Республикамыздың қала ҳәм районларындағы барлық сайлаў участкаларында даўыс бериў процеси белсене рәўиште даўам етпекте.
Қарақалпақстан хабар агентлиги.