Усы жыл 17-19-сентябрь күнлери республикамыздағы улыўма орта билим бериў мектеплериниң 2006, 2007 ҳәм 2008, 2009-жыллары туўылған жас өспиримлери арасында спорттың гүрес ҳәм 2004, 2005-жыллары туўылған жас өспиримлер ҳәм қызлар арасында гандбол түри бойынша Өзбекстан «Ёшлик» денетәрбия ҳәм спорт жәмийети Орайлық Кеңеси саўғасы ушын Қарақалпақстан Республикасы бириншилиги өткерилди.
Жарысқа барлық қала ҳәм районлардан спорттың гүрес түринен 117 спортшы, гандбол түринен 408 оқыўшы қатнасып, өзлериниң физикалық шаққанлығын сынақтан өткерди.
Жарыс жуўмағында спорттың гандбол түринен Нөкис қаласы оқыўшылары бириншиликти ийелеген болса, спорттың гүрес түринен өз салмақ категориясында М.Жанбирбаев, Ж.Муратниязов, А.Сәрсенбаев, С.Толыбаев, З.Балтабаев, А.Халқаманов, Т.Расбергенов, Қ.Аманбаев, К.Сәрсенбаев, З.Садуллаев, Б.Адайбаев, Қ.Базарбаев, Р.Амангелдиев, Н.Алимбаевлар жеңимпаз деп табылып, шөлкемлестириўшилер тәрепинен таярланған диплом ҳәм естелик саўғалары менен сыйлықланды.
Қарақалпақстан хабар агентлиги