Гидрометеорологиялық хызметтиң хабар бериўинше, 24-26-июльда Өзбекстан аймағына Иран аймақларынан ыссы ҳаўа кирип келиўи нәтийжесинде ҳаўа райының кескин ыссыўы күтилмекте.
Бул күнлерде ҳаўаның температурасы климатлық нормалардан 4-6 градусқа жоқары болады.
Күндизги ўақытларда ҳаўа 40-43 градусқа шекем, қубла ҳәм шөл аймақларында 45-46 градусқа шекем ысыйды.
25-27-июльда республика аймағында ўақты-ўақты менен самал 17-22 м/с қа шекем күшейиўи күтилмекте. Айырым жерлерде шаңлы боран менен 25-28 м/с қа шекем күшейиўи мүмкин.
Ислам Матеков,
Қарақалпақстан хабар агентлиги.