Усы жыл 21-22 май күнлери Ташкент қаласындағы Универсал спорт сарайында Француз бокси “Сават” спорт түриниң “Ассо” бағдарында Өзбекстан чемпионаты өткерилди.
Онда Бозатаўлы спортшыларымыз мүнәсип қатнасып жақсы нәтийжелерге еристи.
Атап айтқанда, районлық Балалар ҳәм жас өспиримлер спорт мектеби тәрбияланыўшылары, районлық ХББға қараслы 5-санлы улыўма орта билим бериў мектебиниң оқыўшылары Улдәўлет Назарбаева 2-орынды, Дамир Ражатдинов 3-орынды жеңип алып, гүмис ҳәм қола медальларын қолға киргизди.
Спортшылар 24-май күни Бозатаў районы ҳәкимлиги, кең жәмийетшилик ўәкиллери ҳәм ата-аналары тәрепинен салтанатлы түрде күтип алынды.
Азизбек Дабылов,
ҚМУ Журналистика тәлим бағдарының 2-курс студенти.
Қарақалпақстан хабар агентлиги