Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Сизге 2020-жыл 1-май күни Сардоба суў сақлағышының бир бөлегиниң қулаўы ақыбетинде жәбирленгенлерге кеўил билдиремен. Суў астында қалған үйлер, көширилген халық, ўайран болған жоллар ҳәм фермер хожалықларының көринислерин көриў жүректи ләрзеге салады.
Жеке итибар ҳәм оператив илажлар көриў арқалы Сиз лидерлик қәсийетлерин көрсеттиңиз. Мәмлекетлик департемент ҳәм АҚШ Халықаралық раўажландырыў агентлиги да бул апатшыллыққа жуўап ретинде дәрҳәл илаж көрди ҳәм жәрдем көрсетиўге қаратылған ис-ҳәрекетлеримиз ушын қаржы ажыратты.
Америка Қурама Штатлары бул қыйын ўақытта Өзбекстан ҳәм оның халқына ийинлес болып есапланады.
Соның менен бирге, коронавирусқа қарсы гүресте биргеликте жумыс алып барып, бул аяўсыз пандемияға қарсы илажлар ушын жәрдем бойынша сораўыңыз тез арада көрип шығылыўын тәмийинлеў ушын ҳәкимшилигиме көрсетпе бердим.
Ҳүрмет пенен,
Дональд ТРАМП,
Америка Қурама Штатларының Президенти