Дерлик ҳәр биримиздиң жүрек төримизден орын алған «Танк» фильминиң бизге қәдирдан ҳәм таныс болған диалогларын сизлердиң дыққатыңызға усыныўды мақул көрдик…
– Кемпир, ҳә кемпир! Ана аўылдың шетиндеги гөр қаза беретуғын ақсақтың аты ким еди?
– Ҳәәә, ана Раҳматылланы айтасаң ба?
– Әй, өш! Нәлет жаўғыр сениң. Оншама бақырасаң! Намазды бузайын деп едиң-ғо…
***
Кегейли бетке қыз айттырып бармаған екенмен-дә! Несип етсе, мениң балам болармеди?!
***
– Оқыўым еле питкен жоқ.
– Не қыл дейди? Усы қыз шешеси менен ойнайды-ай… 5 жыл азлық етемекен?
– Апа, ойын емес-аў. Сәл кемиси бар. Сол кемиске енди танк керек.
– Танки… Өйбей, қурған маңлайым-ай! Кишкантайыңда да дөдет әпер деп қоймайтуғын едиң, бой жетсеңде балалығың қалмайды…
***
Қызымды оқытып-оқытып, атампушықтың оқымаған баласына бермеймен!
***
Диплом жумысын өткериў ушын муғаллимди айтқанына көндиргендей адам керек. Оны «танк» дейди, болмаса бир сыйырдың пулы…
***
– Қызың танки керек дейди. Муғаллимлерге қарап айдайтуғын танки керек екен.
– Мен не военныйман ба?
***
– Бармасам, қызым жыласа, сатып берейин десем, маңлайымыздағы жалғыз сыйыр. Ол өзимизге де керек. Ақылым ҳайран…
– Көк шай ишсеш, көк шай ишсең ақылың енеди-ғо…
***
Сениң дәртиң пал емес, пул-ғо…
***
– Алды менен сен маған соны айт, барған менен жумысым пите ме, питпей ме?
– Аввал пул беринг айтаман. Арвоҳлар гапирмаяпти. Арвоҳлар оч!
– Әстаўпыралла, мениң қалаға келиўиме қарап турған екен-дә, жүреги үзилип!
***
– Халық артистисең-ғо я?
– Аўа.
– Онда саған айтайын дегеним, алдыңа халқың келип тур, иним!
***
– Шет елден келгеннен кейин генжетайымның тойына Радж Капурды әкелип бересиз.
– Радж Капур… Оның өлгени қашшан.
– Неге өледи? Ким өлтирди?
– Жасы жетип, қартайып өлди.
– Ҳе, артисам қартаямекен? Баллары бар ма?
– Оларды не қыласаң? Олар Ҳиндстанда-ғо.
– Болса бола берсин. Маған Капур керек. «Аварагу»ди айтып берсе болды.
Таярлаған: Ислам МАТЕКОВ,
Қарақалпақстан хабар агентлиги.