Өзбекстан сыртқы ислер министри орынбасары Музаффар Мадраҳимов Германия Бундестаги “Германия—Орайлық Азия” парламент топары баслығы орынбасары Манфред Грунд пенен ушырасыў өткерди.
Сәўбетлесиў даўамында парламентлераралық байланысты раўажландырыўға айрықша итибар қаратылған ҳалда, өз-ара қатнасықларды жеделлестириў бойынша усыныслар додаланды.
Саўда-экономикалық ҳәм инвестициялық бирге ислесиўди раўажландырыў, илимий изертлеў орайлары арасында байланысты жолға қойыў, мийнет миграциясы ҳәм билимлендириў тараўында қосымша бағдарлама, жойбарлар көлемин кеңейтиўден өз-ара мәпдарлық билдирилди.
Келисимлер күн тәртибинен түрли дәреже ҳәм түрдеги болажақ қосымша илажларға тийисли мәселелер де орын алды.
ӨзА