Мәмлекетлик активлерди басқарыў агентлигиниң мәлим етиўинше, «Өзбекстан» мийманханасы комплексин сатыў бойынша ашық таңлаў саўдалары өткерилмекте.
«Өзбекстан» мийманханасы Ташкенттиң ең белгили мийманханаларынан бири. Ол 1974-жылы, қаланың дәл орайында қурылған. Мийманхана айналарынан Әмир Темур қыябаны көринип турады. Көп қабатлы мийманхана жер силкиниўине шыдамлы болыўы ушын ярым шеңбер тәризинде жойбарластырылған. Мийманхананың архитектурасы өзинде заманагөй, европа стилиниң миллийлик пенен үйлеслигин жәмлестиреди. Бул жерде Европа стандартларына толық әмел етилген, дәстүрлерди умыстпаған ҳалда хызметлер көрсетиледи.
Мәлим етиўинше, таңлаў предметиниң басланғыш баҳасы 33 миллион АҚШ доллары етип белгиленген.
Хош, саўлатлы мийманхана сырт ел исбилерменлерине несип ете ме ямаса жергиликли исбилерменлеримизге ме!
Сол ушын сайтымызды бақлап барың, таңлаў шәртлерин жәриялаймыз!
ӨзА