Өзбекстан Республикасы Президенти Шавкат Мирзиёев 30-декабрь күни Қазақстан Республикасының биринши Президенти Нурсултан Назарбаев пенен телефон арқалы сөйлести.

Мәмлекетимиз басшысы ҳәм Қазақстанның биринши Президенти кирип киятырған Жаңа жыл мүнәсибети менен бири-бирин қызғын қутлықлап, туўысқан халықларымызға  тынышлық, абаданлық ҳәм раўажланыўлар тиледи.

Өзбекстан менен Қазақстан арасындағы жақсы қоңсышылық, стратегиялық шериклик ҳәм аўқамласлық мүнәсибетлери жоқары дәрежеге көтерилгени, көп тәреплемели бирге ислесиў барлық бағдарларда жедел раўажланып атырғаны үлкен миннетдаршылық пенен атап өтилди.