Өзбекстан мәмлекетлик академиялық рус драма театрының дөретиўшилик топары 6-7-ноябрь күнлери аралығында республикамызда гастроль сапарында болды.
Театр жәмәәти тәрепинен таярланған қызықлы спектакльлер пайтахтымыздағы Бердақ атындағы Қарақалпақ мәмлекетлик академиялық музыкалы театрында 6-ноябрь күни «Банкрот», 7-ноябрь күни «Соңғы урыныў» («Последняя попытка») спектаклин тамашагөйлердиң нәзерине усынды.
Бул еки спектакльдеги бас қаҳарман образларын Өзбекстанға хызмет көрсеткен артист Олег Васильев, Людмила Стоцкая ҳәм жас актёрлар Юрий Антипин менен Василика Сидировалар шеберлик пенен атқарып, тамашагөйлердиң алғысына миясар болды.
Қарақалпақстан хабар агентлиги
(Мақаланың сүўретлери ӨзА фотохабаршысы Мақсет ҲАБИБУЛЛАЕВ тәрепинен түсирилген)