10-декабрь – Өзбекстан Республикасы Мәмлекетлик гимни қабыл етилген күн мүнәсибети менен Самарқанд мәмлекетлик ветеринария медицинасы, шарўашылық ҳәм биотехнологиялар университети Нөкис филиалында да байрам илажы шөлкемлестирилди.
Илажда филиал басшылары, профессор-оқытыўшылар ҳәм студент-жаслар биргеликте мәмлекетлик гимнди жанлы тәризде атқарып, жаслардың өз ўатанына садықлықлығы, оның мәмлекетлик нышанларға болған ҳүрметин және де беккемлеўи, тарийхын ҳәм мәдений мийрасларын және де тереңирек үйрениўи бойынша пикирлер билдирилди.
Сондай-ақ, илаж даўамында мәмлекетлик гимнниң мазмуны, оның тарийхый әҳмийети ҳәм мәмлекетимиздеги өзгерислер менен байланыслы әҳмийетли ўақыялар ҳаққында мағлыўматлар берилди.
Атап өтилгениндей, Өзбекстан Республикасының Мәмлекетлик гимни ҳәр бир пуқараның қәлбинде ғәрезсизлик, бирлик ҳәм елимизди раўажландырыў ушын күшли бир талпыныўды оятыўға хызмет етпекте.
Байрам илажлары орынларда көтериңкилик руўхта даўам етпекте.
Қарақалпақстан хабар агентлиги