10-dekabr – Ózbekstan Respublikası Mámleketlik gimni qabıl etilgen kún múnásibeti menen Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında da bayram ilajı shólkemlestirildi.

Ilajda filial basshıları, professor-oqıtıwshılar hám student-jaslar birgelikte mámleketlik gimndi janlı tárizde atqarıp, jaslardıń óz watanına sadıqlıqlıǵı, onıń mámleketlik nıshanlarǵa bolǵan húrmetin jáne de bekkemlewi, tariyxın hám mádeniy miyrasların jáne de tereńirek úyreniwi boyınsha pikirler bildirildi.

Sonday-aq, ilaj dawamında mámleketlik gimnniń mazmunı, onıń tariyxıy áhmiyeti hám mámleketimizdegi ózgerisler menen baylanıslı áhmiyetli waqıyalar haqqında maǵlıwmatlar berildi.
Atap ótilgenindey, Ózbekstan Respublikasınıń Mámleketlik gimni hár bir puqaranıń qálbinde ǵárezsizlik, birlik hám elimizdi rawajlandırıw ushın kúshli bir talpınıwdı oyatıwǵa xızmet etpekte.
Bayram ilajları orınlarda kóterińkilik ruwxta dawam etpekte.

Qaraqalpaqstan xabar agentligi