Ҳәзирги ўақытта орынларда спорттың футбол түри бойынша “Бажыхана комитети Баслығы Кубоги”ниң таңлап алыў ойынлары болып өтпекте.
Өзбекстан Республикасы мәмлекетлик ғәрезсизлигиниң 33 жыллығы мүнәсибети менен спорттың футбол түри бойынша “Бажыхана комитети Баслығы Кубоги” ушын аймақлық басқармалардан дүзилген командалар арасындағы таңлап алыў ойынларының Қарақалпақстан Республикасы ҳәм Хорезм ўәлаяты бажыхана басқармалары арасындағы ойыны Хорезм ўәлаятында өткерилди.
Бул еки команда арасындағы футбол жарысы қызғын беллесиўлерге бай болып, оның барысын тәжирийбели төрешилер бақлап барды. Қарақалпақстан Республикасы командасы 2:0 есабы менен қарсыласларынан үстин келди.
Солай етип таңлап алыў ойынларында жеңимпаз болған командамыз кубок ушын өткерилетуғын жарыстың Өзбекстан Республикалық басқышына жолламаны қолға киргизди.
Қарақалпақстан хабар агентлиги