Республикамыз бойлап стол тенниси бойынша даўам етип атырған мәҳәллелер арасындағы жарыс Тахтакөпир районында да көтериңки руўхта болып өтти.
Бул жерде жас өспиримлер арасында спорттың стол тенниси бойынша “Салық комитети баслығы кубоги” ушын таңлаў басқышы болып өтти. Мәҳәллелер арасында өткерилген жарыс кескин беллесиўлерге бай болып, тәжирийбели төрешилер тәрепинен бақлап барылды.
Жарысқа стол теннисине қызығыўшы 2 жас категориясындағы 50 ден аслам жигит-қызлар қатнасып өз-ара беллести.
Жас категорияларына бола жеңимпазлар анықланып, олар жарыстың кейинги басқышына жоллама алды.
Жеңимпазлар районлық салық инспекциясы тәрепинен таярланған диплом ҳәм естелик саўғалары менен сыйлықланды.
“Салық комитети баслығы кубоги” жарысларының районлық басқышлары орынларда даўам етпекте.
Қарақалпақстан хабар агентлиги.