Дубайда жаңа мийманхана (Ciel Tower) ашылыўы режелестирилмекте, ол бийиклиги бойынша қаланың өз рекордын жаңалайды. Ciel Tower мийманханасы Dubai Marina районында қурылады.
Имарат 82 қабат ҳәм 1 000 ханадан ибарат болып, бийиклиги — 365 метр. Салыстырыў ушын: Ташкент телеминарасының бийиклиги — 375 метр.
Бийик имарат ушын 2 500 кв. метр майдан ажыратылған.
Мийманхана төбесинде ашық аспан астындағы тамаша майданы, бассейн ҳәм ресторан жайласады. Имарат энергия нәтийжелиги ҳәм экология талапларына жуўап бериўи менен ажыралып турады, айтылыўынша, суўытыў системасы жақын имаратларға қарағанда энергияны 25 процент аз жумсайды.
Жойбар авторы — NORR конструкторлық бюросы президенти ҳәм архитектура бойынша директоры Яҳё Жон. Мийманхана 2024-жылдың ақырында ашылыўы режелестирилген.
Қарақалпақстан хабар агентлиги