6-февраль күни Өзбекстан Республикасы Президенти Шавкат Мирзиёевтиң Түркия Республикасы Президенти Режеп Таййип Эрдоған менен телефон арқалы сөйлесиўи болып өтти.
Мәмлекетимиз басшысы бүгин Түркияның қубла-шығыс ўәлаятларында жүз берген күшли жер силкиниў ақыбетинде көплеген инсанлар қайтыс болғаны ҳәм үлкен бүлгиншиликлер көрилгени мүнәсибети менен терең кеўил билдирди. Дос Түркия халқына, қайтыс болғанлар ҳәм жәбирленгенлердиң шаңарақлары ҳәм жақынларына қоллап-қуўатлаў сөзлери билдирилди.
Тәбийғый апатшылық ақыбетлерин сапластырыў мақсетинде әмелий бирге ислесиў мәселелери додаланды. 7-февраль күни Өзбекстаннан Түркияға гуманитарлық жәрдем ҳәм қутқарыўшылар топарының жиберилиўи режелестирилген.
Еки тәреплеме күн тәртиби ҳәм регионаллық бирге ислесиўдиң әҳмийетли тәреплери бойынша да пикир алысылды.
ӨзА