Министрлер Кабинетиниӊ 2022-жыл 1-июньдеги 296-санлы “Академиялық лицейлердиӊ баслық ҳәм педагог хызметкерлериниң үзликсиз маманлығын арттырыў системасын енгизиў ҳаққында”ғы Қарары қабыл етилди.
Қарар менен 2022-жыл 1-сентябрьден баслап:
Академикалық лицейлердиӊ баслық ҳәм педагог хызметкерлериниң “Өмир даўамында билим алыў” принципи тийкарында үзликсиз илимий маманлығы арттырылады;
билимин жетилистириўдиң мақсети, ўазыйпалары, мазмунынан келип шығып оқыў процесин шөлкемлестириў, баслық ҳәм педагог хызметкерлердиң үзликсиз маманлығын жетилистириў ушын билимлендириў бағдарламалары турақлы жаңалап барылады;
педагог хызметкерлердиң кәсиплик зәрүрликлерин қанаатландырыўға қаратылған маманлығын арттырыў түрлерин еркин таңлаў ҳәм өзлестириў имканияты жаратылады;
кредит-модуль системасы тийкарында альтернатив ҳәм еркин маманлығын арттырыў түрлери де енгизиледи.
Қарақалпақстан хабар агентлиги