Бул автономер, 24-декабрь сәнесинде шама менен 1 миллиард сумға сатылды.
Сатыўға қойылған 01 888 BBB автономери 965 миллион 250 мың сумға баҳаланды.
Дәслеп, 337 миллион 500 мың сум басланғыш баҳа менен саўдаға қойылған бул автономердиң баҳасы аукционның жуўмақланыў ўақтына шекем 965 миллион 250 мың сумға шекем көтерилген.
2024-жыл даўамында буған шекем сатылған ең қымбат автономер 517,1 млн сумға баҳаланған еди. Оны Ташкент қаласынан юридикалық тәреп қолға киргизген. Үшинши орындағы номерди болса 10-июль күни 508 млн сумға сатып алған.
2023-жылы 893 миллион сум баҳа менен 01 777 RRR, 2022-жылы болса 669 миллион 600 мың сумға баҳаланған 50 777 ZZZ жылдың ең қымбат авиономери болған.
Булардан келип шықсақ, 24-декабрьде сатылған 01 888 BBB автономери жақын үш жыллықтағы рекорд баҳалардан да озып кеткен.
Қарақалпақстан хабар агентлиги