Bul avtonomer, 24-dekabr sánesinde shama menen 1 milliard sumǵa satıldı.

Satıwǵa qoyılǵan 01 888 BBB avtonomeri 965 million 250 mıń sumǵa bahalandı.
Dáslep, 337 million 500 mıń sum baslanǵısh baha menen sawdaǵa qoyılǵan bul avtonomerdiń bahası aukcionnıń juwmaqlanıw waqtına shekem 965 million 250 mıń sumǵa shekem kóterilgen.
2024-jıl dawamında buǵan shekem satılǵan eń qımbat avtonomer 517,1 mln sumǵa bahalanǵan edi. Onı Tashkent qalasınan yuridikalıq tárep qolǵa kirgizgen. Úshinshi orındaǵı nomerdi bolsa 10-iyul kúni 508 mln sumǵa satıp alǵan.
2023-jılı 893 million sum baha menen 01 777 RRR, 2022-jılı bolsa 669 million 600 mıń sumǵa bahalanǵan 50 777 ZZZ jıldıń eń qımbat avionomeri bolǵan.
Bulardan kelip shıqsaq, 24-dekabrde satılǵan 01 888 BBB avtonomeri jaqın úsh jıllıqtaǵı rekord bahalardan da ozıp ketken.

Qaraqalpaqstan xabar agentligi