Тәжикстан Республикасы Президенти Эмомали Раҳман Шанхай бирге ислесиў шөлкеми Мәмлекет басшыларының гезектеги мәжилисине қатнасыў ушын 15-сентябрь күни Самарқанд қаласына келди.
Самарқанд халықаралық аэропортында жоқары мәрртебели мийманды Өзбекстан Республикасы Бас министри Абдулла Арипов күтип алды.
Саммитте Тәжикстан делегациясы ШБШға ағза басқа да мәмлекетлер менен бирге ислесиўди раўажландырыў, сиясий, экономикалық, мәдений-гуманитарлық ҳәм регионаллық қәўипсизлик сыяқлы темаларда додалаўларға қатнасады.
Қарақалпақстан хабар агентлиги