Усы жылдың 21-25-май күнлери Бухара қаласында халықаралық зербаплық ҳәм зергерлик фестивалы болып өтти.
Қуўанышлысы, халықаралық фестивальда «Ең жақсы зергер» номинациясы бойынша қарақалпақстанлы зергер Әдил Тәжимуратов сыйлы 2-орынды ийеледи ҳәм 1 000 АҚШ доллары муғдарында ақшалай сыйлықланды.
Мағлыўмат орнында атап өтиў керек, Ә.Тәжимуратов көплеген республикалық ҳәм халықаралық таңлаўлар, фестивальларда өзи тәрепинен исленген қарақалпақ миллий зергерлик буйымлары ҳәм тағыншақлары менен қатнасып, жоқары нәтийжелерди қолға киргизип келмекте.
Бухарада өткерилген усы халықаралық фестивальдың буннан былай еки жылда бир мәрте турақлы түрде өткерилиўи белгиленген.
Қарақалпақстан хабар агентлиги.