Ўзбекистон Республикаси ташқи ишлар вазири ўринбосари Фурқат Сидиқов Хитой Халқ Республикасининг мамлакатимиздаги Фавқулодда ва мухтор элчиси Сзян Ян билан телефон орқали мулоқот қилди.
Суҳбат чоғида Ўзбекистон – Хитой муносабатлари ҳамда халқаро ташкилотлар доирасидаги ҳамкорликнинг долзарб масалалари, савдо-иқтисодий алоқаларни ривожлантириш ва қўшма инвестиция лойиҳаларини амалга ошириш истиқболлари муҳокама қилинди.
Томонлар бўлажак тадбирларга тайёргарлик кўришнинг амалий жиҳатлари бўйича ҳам фикр алмашдилар.
ЎзА