Дунё бўйича COVID-19 билан касалланганлар сони 4,17 миллиондан ошди, 287 мингдан зиёд киши офат қурбони бўлди. Касалликка чалинганлар сони бўйича Шимолий ва Жанубий Америка Европадан олдинга ўтиб олди, деб хабар беради Жаҳон соғлиқни сақлаш ташкилоти (ЖССТ).
Ташкилот тарқатган маълумотда қайд этилишича, бир суткада дунё бўйича коронавирусга чалиниш билан боғлиқ 81 минг 577 ҳолат аниқланган, 4 минг 245 бемор ҳаётдан кўз юмган. Ҳозиргача дунё бўйича COVID-19 аниқланган кишилар сони 4 миллион 170 минг 424 кишига етди.
Шимолий ва Жанубий Америкада 1 миллион 781 минг 564 киши коронавирусга чалинган бўлса, Европада бу кўрсаткич 1 миллион 780 минг 316 кишини ташкил этган.
ЎзА