Футбол бўйича Ўзбекистон терма жамоаси аргентиналик мутахассис Эктор Купер қўл остида Сурия терма жамоаси билан ўртоқлик учрашувида куч синашди.
Пойтахтимиздаги «Миллий» стадионда ўтказилган ушбу ўйинга Э.Купер бошчилигидаги мураббийлар гуруҳи терма жамоага муносиб футболчиларни саралаш учун ўттиз нафардан зиёд иқтидорли футболчини бир неча босқичдан иборат ўқув-машғулот йиғинида синовдан ўтказди. Ҳар томонлама ўзини кўрсатган футболчилар Сурияга қарши ўйинда майдонга тушди.
Мазкур учрашувда терма жамоамиз 1:1 ҳисобида дуранг ўйнади.
Эслатиб ўтамиз, Ўзбекистон миллий терма жамоаси 11 сентябрь куни Эрон терма жамоасига қарши майдонга тушади.
Ж.Тошхўжаев, Темур Мамадаминов (сурат) ЎзА