Paytaxtımızda birden-bir iri sawda hám dem alıw orayı bolıwı rejelestirilgen Gipermarketke 8 eskalator alıp kelindi. Endi olardı ornatıw jumısları baslanadı.

Hár biriniń awırlıǵı 5 tonna salmaq basatuǵın eskalatorlardı, sonday-aq, bul jerge keletuǵın mıń-mıńlap adamlardı, ulıwma atına ılayıq «giper» (eń iri, eń biyik) oraydı hesh qanday qıyınshılıqsız kóterip turıw ushın imarattıń hár bir qabatı monolitten soǵılǵan. «Bir tas» degen mánisti beretuǵın, geologiyalıq usılda payda bolatuǵın monolit xalıqaralıq tájiriybede sınalǵan: monolitten salınǵan imaratlar qısta jıllı, jazda salqın boladı. Sonday-aq, monolit imarat tez-tezden jer silkiniwi bolatuǵın aymaqlarda da qáwipsiz ekenligi menen áhmiyetli.

Dáslepki tórt qabatında sawda-satıq maydanları, magazinler, besinshi qabatta oyın-zawıq ushın bólimler xızmet kórsetiwi rejelestirilgen Giper-marketke 8 eskalator hám 1 lift ornatıladı.

Hár bir qabatı 1700 kvadrat metr maydanǵa iye iri sawda hám dem alıw orayı bıyıl iyun-iyul aylarına paydalanıwǵa tapsırılıwı múmkin.

M.PIRNAZAROVA,

Qaraqalpaqstan xabar agentliginiń xabarshısı.