Kanadanıń Ottava qalasında xokkey boyınsha jaslar arasında jáhán chempionatı óz juwmaǵına jetti.

«Canadian Tire Centre» arenada ótkerilgen final ushırasıwında AQSh hám Finlyandiya saylandı komandaları óz-ara ushırastı hám keskin ótken oyınnıń tiykarǵı waqtı 3:3 esabı menen juwmaqlandı.
Qosımsha taymlarda bolsa, Teddi Stig tárepinen dárwazaǵa urılǵan gol AQSh saylandı komandasına ekinshi márte jáhán chempionlıǵın alıp keldi.
Al, qola medalı ushın bolǵan bellesiwde bolsa, Chexiya hám Shveciya saylandı komandaları óz-ara ushırastı hám oyınnıń tiykarǵı waqtı 2:2 esabı menen juwmaqlandı.
Tóreshi tárepinen qosıp berilgen overtaymda da esap ózgermesten qaldı. Bullitler seriyasında bolsa, áwmet chexlarǵa kúlip baǵıp, chempionattıń qola medalı menen sıylıqlandı.

Adilbay Orazov,
Qaraqalpaqstan xabar agentligi sholıwshıs