Qıtaydıń arqa tárepindegi Xebey provinciyası Chende rayonında «Fennin» suw elektr stanciyası ótken jıldıń aqırı – 31-dekabr kúni tolıq quwatlılıq penen jumıs isley basladı. Bul obyekt jer júzindegi eń iri nasoslı elektr stanciyası esaplanadı.
Qıtaydıń «China Daily» gazetası xabarında aytılıwınsha, komplekstiń ulıwma quwatlılıǵı 3,6 million kilovatt, jıllıq energiya islep shıǵarıw muǵdarı 6,6 milliard kilovatt-saattan artadı. Bul akkumulyator derlik 2,6 million shańaraqqa bir jıl dawamında toq jetkerip bere aladı.
Obyekttiń qurılısı rásmiy 2013-jılı baslanǵan edi.

ÓzA