Ámiwdárya rayonı Aybek máhállesinde «Xusniya» mámleketlik emes mektepke shekemgi oraydıń qurılıs jumısları juwmaqlanıp, paydalanıwǵa tapsırıldı. Baqsha Prezidentimizdiń «Mektepke shekemgi bilimlendiriw sistemasın jánede jetilistiriw hám rawajlandırıw ilajları haqqında» ǵı qararı tiykarında 3 mlrd sum qarjı esabınan qurılıp, barlıq zamanagóy sharayatlar jaratılǵan.
Baqshanıń ashılıw máresiminde sózge shıqqanlar, mámleketimizde mektepke shekemgi bilimlendiriw tarawına úlken itibar qaratılıp atırǵanlıǵı hám bul baǵdarda ámelge asırılıp atırǵan jumıslarǵa keńnen toqtap ótti.
Qaraqalpaqstan xabar agentligi