Ministrler Kabinetiniń «Mámleketlik uyımlar hám shólkemlerdiń ashıqlıqtı támiyinlew tarawındaǵı normativlik-huqıqıy hújjetlerde belgilengen minnetlemelerge ámel etiliwin aralıqtan monitoring etiw tártibi haqqındaǵı rejeni tastıyıqlaw haqqında»ǵı qararǵa qol qoyıldı.
Korrupciyaǵa qarsı gúresiw agentligi tárepinen islep shıǵılǵan qarar menen mámleketlik uyımlardıń ashıqlıqtı támiyinlew tarawındaǵı minnetlemelerge ámel etiliwi aralıqtan monitoring etiw tártibi haqqındaǵı reje tastıyıqlandı.
Rejede aralıqtan monitoring etiw, nátiyjelerin rásmiylestiriw, kórip shıǵıw tártibi hám múddetleri belgilendi.
Qarar menen Ashıq maǵlıwmatlar sıpatında jaylastırılıwı kerek bolǵan sociallıq áhmiyetke iye maǵlıwmatlardıń úlgi túrleri tastıyıqlandı.
Úlgi túrleri Ózbekstan Respublikası Prezidentiniń «Mámleketlik uyımlar hám shólkemlerdiń jumısında ashıqlıqtı támiyinlew, sonday-aq, jámiyetlik qadaǵalawdı nátiyjeli ámelge asırıwǵa baylanıslı qosımsha ilajlar haqqında»ǵı pármanı menen tastıyıqlanǵan Ashıq maǵlıwmatlar sıpatında jaylastırılıwı kerek bolǵan sociallıq áhmiyetke iye maǵlıwmatlardıń dizimine kirgizilgen 40 kategoriyadaǵı maǵlıwmatlar tiykarında islep shıǵılǵan.
ÓzA