«Awıl xojalıǵı maydanlarındaǵı qosımsha imkaniyatlardan paydalanǵan halda ónim jetistiriwdi kóbeytiwge baylanıslı ilajlar haqqında»ǵı Prezident qararı qabıl etildi.

Qararǵa muwapıq, atız shetleri hám xalıqtıń qıytaq jeri, shańaraqlar hám kóp qabatlı jaylardıń aldı, máhálleniń ishki kóshelerinde awıl xojalıǵı ónimlerin jetistiriw sistemasın jetilistiriw boyınsha tómendegi jańa tártip engiziledi:
awıl xojalıǵı ónimlerin jetistiriwdi shólkemlestiriw boyınsha:
– Ósimlikler karantini hám qorǵaw agentligine atızdıń shetlerinde hám xalıqtıń qıytaq jeri, shańaraqlar hám kóp qabatlı jaylardıń aldı, máhálleniń ishki kóshelerinde ónim jetistiriw, awıl xojalıǵı subyektlerine tuqım hám náller jetkerip beriw hám jetistirilgen ónimlerdi eksportqa baǵdarlawdı shólkemlestiriw wazıypası júklenedi;
– Agentlik jıl dawamında dáramatlı eginler egiw hám olardı eksport etiw ushın miywe-ovosh ónimlerin eksport etiwshi isbilermenlerdiń talapların úyrenedi.
atız shetlerinen nátiyjeli paydalanǵan awıl xojalıǵı ónimlerin jetistiriwshilerdi qollap-quwatlaw boyınsha:
– ishki fitosanitariya sertifikatı bir jıl dawamında biypul beriledi;
– atız shetlerine egilgen «in-vitro» usılında jaratılǵan miyweli sabılǵan nállerdi satıp alıw qárejetleriniń 50 procenti muǵdarında, biraq hár bir miyweli sabılǵan nálge 25 mıń sumnan artpaǵan halda Agrosanaattı rawajlandırıw hám qollap-quwatlaw mámleketlik maqsetli qorınan belgilengen tártipte subsidiya ajıratıladı.

ÓzA