Moynaq rayonında awıl xojalıǵı tarawında 2025-jıldıń zúrááti ushın tayarlıq jumısları hám búgingi kún ilajlarına arnalǵan kórgizbeli seminar ótkerildi.
Oǵan rayondaǵı fermer xojalıqlarınıń baslıqları hám fermerlerge xızmet kórsetiwshi kárxana hám shólkemlerdiń juwapker xızmetkerleri qatnastı.
Dáslep Qızıljar hám Hákim ata APJ aymaqlarında ishki jap-salmalardı qazıp tazalaw hám betonlaw jumısları, suwdı saqlawshı suw basseyinlerin shólkemlestiriw, egislik maydanların egiske tayarlaw jumısları menen tanıstı.
Bul baǵdardaǵı jumıslardıń barısı úyrenilip, pikir-usınıslar bildirildi.
Ilajda taraw qánigeleri jap-salmalardı qazıp tazalaw hám betonlaw jumıslarınıń áhmiyetine toqtap ótip, awıl xojalıǵı tarawındaǵı bul baǵdardaǵı jumıslardı tez hám sapalı ámelge asırıw boyınsha ilajlar belgilendi.
Orınlarda bul baǵdardaǵı ilajlar qızǵın dawam etpekte.
Qaraqalpaqstan xabar agentligi