Мойнақ районында аўыл хожалығы тараўында 2025-жылдың зүрәәти ушын таярлық жумыслары ҳәм бүгинги күн илажларына арналған көргизбели семинар өткерилди.
Оған райондағы фермер хожалықларының баслықлары ҳәм фермерлерге хызмет көрсетиўши кәрхана ҳәм шөлкемлердиң жуўапкер хызметкерлери қатнасты.
Дәслеп Қызылжар ҳәм Ҳәким ата АПЖ аймақларында ишки жап-салмаларды қазып тазалаў ҳәм бетонлаў жумыслары, суўды сақлаўшы суў бассейинлерин шөлкемлестириў, егислик майданларын егиске таярлаў жумыслары менен танысты.
Бул бағдардағы жумыслардың барысы үйренилип, пикир-усыныслар билдирилди.
Илажда тараў қәнигелери жап-салмаларды қазып тазалаў ҳәм бетонлаў жумысларының әҳмийетине тоқтап өтип, аўыл хожалығы тараўындағы бул бағдардағы жумысларды тез ҳәм сапалы әмелге асырыў бойынша илажлар белгиленди.
Орынларда бул бағдардағы илажлар қызғын даўам етпекте.
Қарақалпақстан хабар агентлиги