Kolumbiyanıń Bogota qalasında qılıshlasıw sportınıń sablya túri boyınsha 20 jasqa shekemgi sportshılar arasında jáhán kubogi jarısları bolıp ótpekte.
Bul jarısqa Ózbekstan saylandı komandası aǵzaları da tabıslı túrde qatnasıp atır. Atap aytqanda, qızlar arasında ótkerilgen bellesiwlerde Samira Shokirova qola medalın qolǵa kirgizgen bolsa, erler arasında Musa Aymuratov hám Sardor Abdukarimbekovler finalǵa shekem jetip keldi. Final belesiwinde bolsa, Musa Sardordı jeńip shıǵıp, jáhán kuboginiń jeńimpazına aylandı.
Al, usı jarısqa qatnasqan jáne bir jerlesimiz Alpamıs Oraqbaev qola medalı iyesine aylandı.
Adilbay Orazov,
Qaraqalpaqstan xabar agentligi sholıwshısı.