FOTOREPORTAJ
O‘zA xodimlari joriy yilning 14-20 avgust kunlari Rossiyaning TASS axborot agentligi tomonidan MDH mamlakatlari axborot agentliklari fotomuxbirlari uchun tashkil etilgan o‘quv-seminarida ishtirok etdi.
O‘quv-seminar TASS axborot agentligi hamda Fotoaxborot tahririyatining ish faoliyati bilan tanishuvdan boshlanib, tajribali foto va videotasvirchilar tomonidan o‘tkazilgan o‘quv-amaliy mashg‘ulotlarga ulanib ketdi. Rasmiy tadbirlarni suratga olishning o‘ziga xos jihatlari, sport fotojurnalistikasi, yangiliklarni videotasvirga olish, ayni jarayonda yuzaga keladigan murakkab vaziyatlar mavzuidagi ma’ruzalar doirasida fotoreportajlar tayyorlanib, muhokama qilindi.
Ishtirokchilar o‘quv-seminarda kasbiy faoliyatda asqatadigan ko‘plab yangiliklar bilan tanishdi. Ayniqsa, bugungi axborot zamonida fotojurnalistika sohasida kuzatilayotgan kreativ yangiliklar, zamonaviy uslub va yondashuvlar haqidagi ma’lumotlar barcha uchun qiziqarli bo‘ldi.
Shavkat TOHIROV, Jonibek QO‘ZIMURODOV (surat), O‘zA