ФОТОРЕПОРТАЖ
ЎзА ходимлари жорий йилнинг 14-20 август кунлари Россиянинг ТАСС ахборот агентлиги томонидан МДҲ мамлакатлари ахборот агентликлари фотомухбирлари учун ташкил этилган ўқув-семинарида иштирок этди.
Ўқув-семинар ТАСС ахборот агентлиги ҳамда Фотоахборот таҳририятининг иш фаолияти билан танишувдан бошланиб, тажрибали фото ва видеотасвирчилар томонидан ўтказилган ўқув-амалий машғулотларга уланиб кетди. Расмий тадбирларни суратга олишнинг ўзига хос жиҳатлари, спорт фотожурналистикаси, янгиликларни видеотасвирга олиш, айни жараёнда юзага келадиган мураккаб вазиятлар мавзуидаги маърузалар доирасида фоторепортажлар тайёрланиб, муҳокама қилинди.
Иштирокчилар ўқув-семинарда касбий фаолиятда асқатадиган кўплаб янгиликлар билан танишди. Айниқса, бугунги ахборот замонида фотожурналистика соҳасида кузатилаётган креатив янгиликлар, замонавий услуб ва ёндашувлар ҳақидаги маълумотлар барча учун қизиқарли бўлди.
Шавкат ТОҲИРОВ, Жонибек ҚЎЗИМУРОДОВ (сурат), ЎзА