Avval xabar qilganimizdek, Prezidentimiz poytaxtimizdagi “Humo arena” majmuasida Navro‘z bayrami munosabati bilan o‘tkazilayotgan bayram tadbirida ishtirok etib, xalqimizga tabrik yo‘llamoqda.

– Pandemiya boshlangan birinchi kunlarda men xalqimizga murojaat qilib, bu sinovdan yanada kuchli bo‘lib chiqamiz, deb ishonch bildirgan edim.

Chindan ham, bizning kuchimiz – birlik va ahillikda, bizning qudratimiz – mehr-oqibat, mardlik va matonatda, bizning kuchimiz – o‘zaro ko‘mak va saxovatda, bizning qudratimiz – ertangi kunga bo‘lgan ishonchimizda.

Bu haqiqatni boshimizdan kechirgan sinovli kunlar yana bir bor isbotladi.

Mana shu mashaqqatli davr bizning bir-birimizga naqadar bog‘liq va kerak ekanimizni yaqqol ko‘rsatdi.

Bir-birimizni asrab-avaylab, qadrlab yashashimiz eng muhim hayotiy zarurat ekanini yana bir bor namoyon etdi.

Biz faqat birgalikda buyuk ishlarga qodir ekanimizni yana bir karra tasdiqlab berdi, – dedi davlatimiz rahbari.

O‘zA