–Oʻzbekistonga birinchi bor oʻtgan yili kelgan edik, – deydi “Akula” shapito-sirki bosh maʼmuri Oksana Shcherbakova. – Oʻshanda ijodiy chiqishimiz bilan Samarqand, Buxoro va Navoiy viloyatlarida boʻldik. Bu gal Namanganda boshlangan safarimiz Andijon, Samarqand, Toshkentda davom etadi. Tomoshamiz oʻzbek xalqiga manzur boʻlsa, xush kayfiyat, koʻtarinkilik ulashsa, xursand boʻlamiz.

Tashkil topganiga qariyb yarim asr boʻlgan “Akula” sirki jozibador, eʼtiborni tortuvchi dasturga boyligi bilan eʼtiborli. Ayniqsa, hayvon oʻrgatuvchi er-xotin Arina va Denis Barkovskiylarning afrika sheʼrlari ijro etuvchi attraksion, itlar va otlar bilan tomoshalari, havo gimnasti Irina Dushokanovaning betakror chiqishlari koʻpchilik olqishiga sazovor boʻlmoqda.