Qozog‘istonda boks bo‘yicha o‘smirlar va yoshlar o‘rtasidagi Osiyo chempionati qizg‘in bahslarga boy o‘tmoqda. Mazkur musobaqaning o‘smirlar o‘rtasidagi yarim final bahslari o‘z yakuniga yetdi.

Unga ko‘ra, Sardorbek Saidakbarov va Shahbozbek Ergashevlar final yo‘llanmasini qo‘lga kiritgan bo‘lsa, Behruz Qurbonov, Ibrohim G‘iyosov, Suhrob Rahmatullayev, Shohjahon Alisherov, Muhammadsaid G‘ulomov, Norbek Abdullayev, Jahongir Ergashev va Muhammadrizo Alijonov bronza medaliga sazovor bo‘ldi.

Ma’lumot uchun, bugun Osiyo chempionatining yoshlar o‘rtasidagi yarim final bahslarida 8 nafar vakilimiz final yo‘llanmasi uchun raqobatlashadi.

Javohir Toshxo‘jayev, O‘zA