Amerika Qo‘shma Shtatlarida o‘ynaladigan “Powerball” lotereyasi ishtirokchisi Kaliforniyada sotilgan bir dona chipta bilan 1,08 milliard dollarlik jekpotni qo‘lga kiritdi, deyilgan mazkur lotereya rasmiy sayti e’lon qilgan xabarda.
Bu ko‘rsatkich miqdori jihatidan mazkur o‘yin tarixidagi uchinchi, umuman, AQSHda o‘ynalgan barcha lotereyalar orasida esa oltinchi yirik yutuq hisoblanadi.
Baxtli chipta egasi 558,1 million dollarni hozirning o‘zida yoki o‘ttiz yil davomida yillik to‘lov shaklida bo‘lib-bo‘lib olishi mumkin.
O‘tgan yil noyabrda “California Lottery” kompaniyasi “Powerball” lotereyasining yutuqli chiptasi ikki milliard dollarlik jekpotni tashkil qilgani va yutuq miqdori bo‘yicha rekord o‘rnatgani haqida xabar tarqatgan edi. O‘sha chipta ham Kaliforniya shtatida sotilgan ekan.
“Powerball” AQSHning 45 shtatida, poytaxt Kolumbiya okrugida, Puerto-Riko va Virjin orollarida o‘ynaladi.