Yevropa Ittifoqi loyihasi O‘zbekistonda bioiqtisodiyotni rivojlantirishga hissa qo‘shadi
2023 yil 2-3 may kunlari Toshkent davlat agrar universitetida o‘tgan bioiqtisodiyot bo‘yicha ikkinchi xalqaro ilmiy-amaliy forumda “O‘zbekistonda bioresurslarni barqaror boshqarish bo‘yicha bilimlar, tadqiqotlar va ilg‘or tajribalar bioiqtisodiyoti” mavzusida davra suhbatlari tashkil etildi.
Akademik, davlat muassasalari va iqtisodiyotning turli tarmoqlaridagi korxonalar vakillari ishtirok etgan forumning asosiy maqsadi – O‘zbekistonda bioresurslarni, jumladan, biomassani barqaror boshqarish bo‘yicha bilim, tadqiqot va ilg‘or tajriba orttirish, sohasidagi salohiyatni yanada oshirish.
Yevropa Komissiyasi bioiqtisodiyotni qayta tiklanadigan biologik resurslarni ishlab chiqarish, bu resurslar va chiqindilarni oziq-ovqat, biomahsulotlar va bioenergiya kabi qo‘shilgan qiymatga ega mahsulotlarga aylantirish deb ta’riflagan. Ushbu maqsadlarga erishish uchun Yevropa Komissiyasi 2012 yil “Bioiqtisodiyot strategiyasini” ishlab chiqdi va uni 2018 yil yangiladi.
Tadbirda mamlakatimiz bioiqtisodiyotga yanada samarali o‘tish uchun katta imkoniyatga ega, biroq bu maqsadlarga erishish uchun ishlab chiqarishga bioiqtisodiy yondashuvni joriy etadigan yuqori malakali mutaxassislar kerakligi ta’kidlandi. Bu, ayniqsa, tabiiy resurslardan foydalanish bilan bog‘liq tarmoqlarda iqtisodiy o‘sishni tezlashtiradi.
Anjuman Latviya Tabiiy fanlari va texnologiyalari universiteti rahbarligidagi “BioEcUz” konsorsiumi tomonidan “O‘zbekistonda bioiqtisodiyotni barqaror rivojlantirish bo‘yicha yangi magistratura dasturi” loyihasi doirasida tashkil etilgan.
Yevropa Ittifoqining ERASMUS+ dasturi tomonidan moliyalashtiriladigan mazkur loyiha faoliyati http://bioecuz.tdau.uz/ saytida taqdim etilgan. Qo‘shimcha ma’lumot, ishtirok etish uchun elektron pochta orqali bog‘lanishingiz mumkin. Manzil abduvasikov_aziz@mail.ru, umid.nazarkulov@gmail.com, firuzaza@gmail.com.
Ro‘yxatdan o‘tish uchun havola:
https://docs.google.com/forms/d/e/1FAIpQLSclw8Ow3tLkozKRcqQHoVtstzcJFgQ9MjA44_di_V-_m0Q59g/viewform
O‘zA