Yoshlar ijod saroyida Milliy mass-mediani qo‘llab-quvvatlash va rivojlantirish jamoat fondi, «Zakovat intellektual klubi» NNT, Oila va xotin-qizlar qo‘mitasi hamkorligida 8 mart – Xalqaro xotin-qizlar kuni munosabati bilan xotin-qizlar o‘rtasida «Zakovat» intellektual turnirining hududiy saralash bosqichi bo‘lib o‘tdi.
«Zakovat» intellektual o‘yinini aholi orasida ommaviy-ma’rifiy harakatga aylantirish, gender tenglikni ta’minlash, xotin-qizlarning bo‘sh vaqtini mazmunli o‘tkazishini tashkil etish, ayollarning jamiyatdagi faolligini oshirish maqsadida o‘tkazilgan turnirda respublikamizning 14 hududidan 400 dan ziyod jamoa va 2 mingdan ortiq xotin-qiz ishtirok etdi.
O‘yin natijalariga ko‘ra, har bir hududdan 3 tadan jamoa respublika bosqichiga yo‘l oldi. Turnirning respublika bosqichi 13 mart kuni Toshkent shahrida 42 ta jamoa ishtirokida bo‘lib o‘tadi.
Gulnoza Boboyeva, Davron Ernazarov(surat), O‘zA