Prezident Shavkat Mirziyoyev Namangan shahri Barkamol avlod mahallasida tadbirkorlar bilan muloqot qilmoqda.
Qayd etilganidek, sanoat va xizmat ko‘rsatishni tiklash uchun respublika bo‘yicha:
– kuniga 80 million kub metr gaz
va 126 million kilo-vatt soat elektr yetkazib beriladi (hozir – 70 million kub metr gaz va 120 million kilovatt soat elektr berilmoqda);
– bir hafta ichida gaz quyish shoxobchalariga kunlik 5 million kub metr gaz yetkazib beriladi (hozir – 1 million kub metr).
–Bu borada yana bir masala – Andijon
va Farg‘onada bo‘lgan uchrashuvlarda ko‘plab tadbirkorlar elektr ishlab chiqarishni o‘zi yo‘lga qo‘yish, kichik quyosh stansiyalarni va mikroGESlar qurishga tayyorligini bildirdi. Bunday tashabbusi bor Namangan tadbirkorlarini ham, albatta, qo‘llab-quvvatlaymiz,– dedi Prezident.
Qurilish va qurilish materiallari tarmoqlarini tezroq tiklash uchun, davlat investitsiya dasturidan 3 trillion so‘mlik moliyalashtirish shu haftadan ochilishi ma’lum qilindi.
Xususan, Namanganda infratuzilmani yaxshilashga bu yil 1,3 trillion so‘m yo‘naltiriladi.
O‘zA