Өзбекстан Республикасы Президентиниң пәрманы
Рамазан хайытының биринши күни 2023-жылы 21-апрельге туўра келиўин есапқа алған ҳалда халықтың бул байрамды мүнәсип күтип алыўы ҳәм жоқары дәрежеде өткериўи ушын қолайлы шараят жаратыў мақсетинде:
- Өзбекстан Республикасы Президентиниң 2022-жыл 23-декабрьдеги «2023-жылы рәсмий сәнелерди белгилеў дәўиринде қосымша жумыс ислемейтуғын күнлерди белгилеў ҳәм дем алыс күнлерин көшириў ҳаққында»ғы ПП-270-санлы Пәрманына қосымшаға муўапық өзгерислер киргизилсин.
- Усы Пәрманның орынланыўын қадағалаў Өзбекстан Республикасының Бас министри А.Н.Ариповқа жүкленсин.
Өзбекстан Республикасы Президенти Ш.МИРЗИЁЕВ
Өзбекстан Республикасы Президентиниң 2022-жыл 23-декабрьдеги «2023-жылы рәсмий сәнелерди белгилеў дәўиринде қосымша жумыс исленбейтуғын күнлерди белгилеў ҳәм дем алыс күнлерин көшириў ҳаққында»ғы ПП-270-санлы Пәрманына киргизилип атырған өзгерислер
- 1-бәнт төмендеги редакцияда билдирилсин:
«1. 2023-жылы төмендеги қосымша дем алыс күнлери белгиленсин:
барлық хызметкерлер ушын (жумыс ҳәптесиниң түрине қарамастан): 2-январь – дүйшемби, 24-апрель – дүйшемби, 30-июнь – жума;
алты күнлик жумыс ҳәптесинде жумыс ислейтуғын хызметкерлер ушын: 3-январь – шийшемби, 20-март – дүйшемби, 22-март – сәршемби, 22-апрель – шемби, 24-апрель – дүйшемби, 1-июль – шемби, 2-сентябрь – шемби, 30-декабрь – шемби».
- 3-бәнттен бесинши абзацы шығарып таслансын.
- 4-бәнттеги «Туризм ҳәм мәдений мийрас министрлиги» сөзлери «Мәденият ҳәм туризм министрлиги» сөзлери менен алмастырылсын.
ӨзА