Бердақ атындағы Қарақалпақ мәмлекетлик академиялық музыкалы театрында ХХ әсирдеги қарақалпақ әдебиятының уллы тулғасы, Өзбекстан Қаҳарманы, Өзбекстан ҳәм Қарақалпақстан халық шайыры Ибрайым Юсуповтың өмири ҳәм дөретиўшилигине бағышланған «Аязий» драмасының премьерасы 10-сентябрь күни болып өтеди.
Қарақалпақстан халық жазыўшысы Муратбай Нызановтың қәлемине тийисли болған сахналық дөретпе саат 18:00 де басланыўы жобаластырылған.
Сахналастырыўшы режиссёры Қарақалпақстанға хызмет көрсеткен көркем өнер ғайраткери Б.Баймурзаев, художник З.Сайыпов.
Ибрайым Юсупов ролин талантлы актёр Көпжүрсин Алланазаров атқарады.
Билетлер театр кассасында сатылмақта. Касса саат 10:00 ден баслап ашылады.
Ислам Матеков,
Қарақалпақстан хабар агентлигиниң шолыўшысы.