Андижан қаласында “VODIY UNVERSAL-MAJMUA” жуўапкершилиги шекленген жәмийети тәрепинен курылған заводта заманагөй жүк тасыў автомашиналары ислеп шығарылады.
Қытайдыӊ “FAW trucks” компаниясы менен биргеликтеги жойбар шеӊберинде иске түсирилетуғын бул заводта жылына төрт мыӊ дана 5 тоннадан артық жүк көтериў қәбилетине ийе автомобильлер ислеп шығарылыўы нәзерде тутылған.
Заманагөй көриниске ҳәм барлық қолайлықларға ийе жүк машиналары ишки базарда сатылыўы, сондай-ақ, қоӊсы мәмлекетлерге экспорт етилиўи режелестирилген.
Бул завод иске түсиўи менен 100, толық қуўат пенен иске түскеннен соӊ 400ге шамалас жаӊа жумыс орны жаратылады.
ӨзА