Мәмлекетимиздиң 30 жоқары билимлендириў мәкемеси дәстүрий тәризде жүргизилетуғын, дүньяның ең күшли университет ҳәм институтларының жумысын баҳалап беретуғын белгили структуралар дизиминен орын алды.
Арнаўлы «Times Higher Education» жоқары оқыў орынларының абырайлы халықаралық рейтинги өзиниң изертлеў – «Impact Rankings 2022» нәтийжелерин жәриялады.
Биринши рет бул жетекшилер арасында Өзбекстанның 30 жоқары оқыў орны атап өтилди.
2021-жыл бул рейтингке мәмлекетимизден 10 университет ҳәм институт алынған. Өткен жылғы таңлаўда 94 мәмлекеттен 1000, 2022-жылы болса 110 мәмлекеттен 1 500 жоқары оқыў орны қатнасқан.
Еслетип өтемиз, Бердақ атындағы Қарақалпақ Мәмлекетлик университети 48,6 балл топлап, усы 30 лықтан орын алған.
Қарақалпақстан хабар агентлиги