Президент тәрепинен 9-февраль күни «Пуқаралардың ҳәм исбилерменлик субъектлериниң ҳуқықлары кепилликлериниң буннан былай да күшейтилиўи мүнәсибети менен айырым нызам ҳүжжетлерине өзгерислер ҳәм қосымшалар киргизиў ҳаққында»ғы ӨРН-752-санлы нызамға қол қойылды.
Ендигиден былай, автотранспорт қураллары электрон саўда платформасы арқалы электрон онлайн-аукцион арқалы ижараға берилгенде ижараға бериў шәртнамаларын нотариал тәртипте тастыйықлаў талап етилмейди. Онда, электрон онлайн-аукцион нәтийжелери бойынша рәмийлестирилген биргеликтеги билдириў ижара шәртнамасы күшине ийе болады. Қосымша ПКниң 565-статьясына киргизилди.
«Өзбекстан Республикасы Саўда-санаат палатасы ҳаққында»ғы нызамның 9-статьясының биринши бөлими алтыншы абзацы менен толықтырылды.
Буннан былай, ССП хожалық шәртнамалары шеңберинде жүзеге келетуғын жеңип болмайтуғын күш (форс-мажор) жағдайларын тастыйықлайды, буған сыртқы саўда келисимлери ҳәм халықаралық шәртнамалардың шәртлерине муўапық Өзбекстан Республикасы аймағында жүзеге келген жеңип болмайтуғын күш (форс-мажор) жағдайлары кирмейди.
Қарақалпақстан хабар агентлиги