Сертификатқа ийе рус тили пәни муғаллимлерине үстеме ҳақы төлеп бериледи. Бул ҳаққында халық билимлендириў министрлиги хабар берди.
2022-жыл 1-февральдан баслап билим бериў тили рус тили болмаған улыўма билим бериў мәкемелери (класслар)нде жумыс алып барып атырған кеминде С1 ҳәм оннан жоқары дәрежедеги миллий ямаса оған теңлестирилген сәйкес дәрежедеги халықаралық тән алынған сертификатқа ийе рус тили пәни муғаллимлерине 50 процент муғдарында үстеме төленеди.
Бул үстемелерди өз ўақтында төлеп барылыўын тәмийинлеў бойынша аймақлық халық билимлендириў бөлимлерине министрликтиң көрсетпеси берилди.
Қарақалпақстан хабар агентлиги