Спорт гүреслери бойынша Ташкент районында болып өткен Өзбекстан чемпионатында республикамыздың қызлар командасы жақсы нәтийжелерге еристи.
Чемпионаттың биринши күнинде ҳаял-қызлар гүреси бойынша үлкенлер арасында Өзбекстан чемпионатында Қарақалпақстан Республикасы палўан қызлары улыўма командалық есапта биринши орынды ийеледи. Екинши орын Хорезм ўәлаяты, үшинши орын Ташкент қаласы командаларына несип етти.
Өз салмақ категорияларында Ақтеңге Кеўлимжаева, Сәрбиназ Жийенбаева, Дилфуза Айымбетова, Набира Есенбаева, Арыўхан Жумабаева, Азада Есбергенова биринши, Севара Ешмуратова, Шаҳло Вапаева, Сурайё Утемуратова, Гөззал Аллаярова екинши, Динара Сейтмуратова, Ҳүрлиман Санетуллаева, Меҳрибану Пурханова, Ақмарал Махмудова, Дилфуза Өсербаева үшинши орынларды қолға киргизди.
Қарақалпақстан хабар агентлиги