Нөкис қалалық 1-санлы балалар ҳәм жас өспиримлер спорт мектебинде денсаўлықты сақлаў тараўы хызметкерлери арасында спорттың киши футбол түри бойынша Өзбекстан денсаўлықты сақлаў хызметкерлери кәсиплик аўқамының Қарақалпақстан Республикасы Кеңеси кубоги ушын жарыс өткерилди.
Қызғын беллесиўлерге бай болған жарысқа 18 команда қатнасып, жарыс жуўмағында Қараөзек районы биринши, Қоңырат районы екинши, Қарақалпақстан Республикасы Санитария-эпидемилогиялық тынышлық ҳәм жәмийет саламатлығы басқармасы командасы үшинши орынды ийеледи.
Сондай-ақ, жарыста 6 номинация бойынша да жеңимпазлар анықланып, жарыс жеңимпазлары шөлкемлестириўшилер тәрепинен мүнәсип сыйлықланды.
Қарақалпақстан хабар агентлиги